“PayPal” компани ашгийн маржин нь төсөөллийн дагуу өсөх төлөвгүйг анхааруулсны дараа хувьцааны ханш нь уналаа. Тодруулбал: даваа гарагт Нью-Йоркийн биржид тус компанийн хувьцааны ханш дөрвөн  хувиар унасан байна. Он гарсаар “PayPal”-ийн хувьцааны ханш зургаан хувиар өсөөд байсан юм.

“PayPal” ашгийн маржин нь энэ онд доод тал нь 100 суурь нэгжээр өснө гэж тооцоолж буйгаа мэдээллээ.  Өмнөх төсөөлөлдөө 125 суурь нэгжээр өснө гэж таамаглаж байжээ.

Энэ оны эхний улиралд “PayPal”-аар дамжин хийгдсэн төлбөр тооцоо 12 хувиар өсөж, 354.5 тэрбум ам.доллар хүрсэн нь шинжээчдийн таамгийг давсан үзүүлэлт боллоо.