“Tesla” компани АНУ-д худалдах "Model Y" загварынхаа үнийг нэмлээ. Ингэснээр “Model Y Long Range”-ийн үнэ 54 мянган ам.доллар, “Model Y Performance”-ийн үнэ 57.9 мянган ам.доллар болж байна.

Автомашинуудынхаа үнийг бууруулснаар эрэлт нэмэгдэж, IV улиралд “Tesla”-ийн тайлан шинжээчдийн таамгийг давж байсан юм. Үүний хариу болгон "Model Y" загварын үнийг бага зэрэг нэмсэн гэж тус компанийн Гүйцэтгэх захирал Илон Маск мэдэгджээ.

Үүнээс өмнө Жо Байдены засаг захиргаа SUV ангиллын автомашинуудыг цахилгаан автомашины татварын хөнгөлөлтөд хамруулах шийдвэр гаргасан юм.