“Huawei Technologies” компани  “Сайн интернэшнл” ХХК-тай байгуулсан гэрээний хүрээнд Улаанбаатарт албан ёсны салбар дэлгүүрээ нээж, Монголын зах зээлд нэвтэрлээ. 

Монгол Улсын хувьд “Huawei Technologies"-ийн бүтээгдэхүүний хэрэглэгчид нэмэгдэж байгаатай холбоотойгоор нийслэлд салбараа нэмэгдүүлэхээс гадна орон нутагт моно дэлгүүрүүд нээх зорилттой байгаагаа “Сайн интернэшнл” компанийн Бизнес хөгжлийн газрын захирал Г.Чинзориг мэдээлэв.

“Сайн интернэшнл” ХХК-ийн Бизнес хөгжлийн газрын захирал Г.Чинзориг

Энэ оны хоёрдугаар хагаст зах зээлд гарсан “Huawei Technologies"-ийн “Mate 60” загварын гар утас худалдаанд гарсан сардаа 1.5 сая орчим ам.долларын борлуулалт хийгээд байгаа аж. Ингэснээр БНХАУ-ын зах зээлд “Apple”-ийн “iPhone 15” гар утасны борлуулалтыг даваад байгаа бөгөөд дотоодын эрэлтээ гүйцэхгүй байгааг тус компани мэдээлж байна.

Есдүгээр сард дууссан улиралд “Huawei Technologies”-ийн цэвэр ашиг 118 хувиар өсөж, 26.4 тэрбум юань буюу 3.6 тэрбум ам.доллар болжээ.

“Huawei Device”-ийн Монголыг хариуцсан менежер Э.Нарангуа