Япон улсын Ерөнхий сайд Фүмио Кишида эдийн засгаа дэмжих дахин нэг багц арга хэмжээ зарлахаар боллоо.

Эдийн засгийн өсөлтөө нэмэгдүүлэх, инфляцад өртсөн өрхүүдэд туслах зорилгоор хийгдэж буй энэхүү арга хэмжээ нь хүлээгдэж байснаас өндөр дүнтэй байгааг онцолж болохоор байна. Тодруулбал: эдийн засгаа дэмжих арга хэмжээний багцад ойролцоогоор 21.8 их наяд иен буюу 145 тэрбум ам.доллар зарцуулна гэж “Bloomberg” мэдээллээ. Үүний 13.1 их наяд иенийг нэмэлт төсвөөр санхүүжүүлнэ гэж төсөлд тусгасан байна.

Орлогын болон орон сууцны татварын хөнгөлөлтөд 3.5 их наяд иен, бага орлоготой өрхүүдэд нэг их наяд гаруй иений тусламж үзүүлэхээр байгааг тодотгожээ.