“Мандал даатгал” ХК 2023 оны эхний хагас жилийн байдлаар 28.1 тэрбум төгрөгийн хураамжийн орлого төвлөрүүлсэн нь өмнөх оны мөн үеэс 26 хувиар өссөнийг тайлагналаа. Мөн нийт хөрөнгө нь 72.1 тэрбум төгрөгөөс давж, цэвэр ашиг 1.7 тэрбум төгрөг хүрчээ. Тайлант хугацаанд нөхөн төлбөрийн цэвэр зардал нь 21 орчим хувиар буурч, 5.6 тэрбум төгрөг болсон байна.

Оны эхний хагас жилийн байдлаар “Мандал даатгал” ХК цахим даатгалыг дэмжиж, нөхөн төлбөр олголтыг 94 хувьд хүргэснээс гадна үерийн гамшгийн үеийн хохирлыг 100 хувь олгосон гэдгээ онцоллоо.

Тус компанийн нэгж хувьцааны ханш 2.63 хувиар өсөж, 62.5 төгрөгт хаагдаад байна. “Мандал даатгал” ХК-ийн хувьцааны ханш он гарсаар 27 хувиар буураад байгаа юм. Тус компанийн зах зээлийн үнэлгээ 39 тэрбум төгрөгөөр хэмжигдэж байна.