Австралийн Хөрөнгийн биржид бүртгэлтэй “Woomera Mining” компани зэс-алтны "Хүрэл үнэг" төслийнхөө өрөмдлөгийн ажлыг эхлүүлснээ мэдээллээ.

“Woomera Mining” дээрх төслийг “Kincora Copper” компаниас хүлээн аваад удаагүй байгаа юм. Тус компани хоёр алмазан өрөмдлөгөө эхлүүлээд байна. Энэхүү ажил нь 6-8 долоо хоногийн хугацаа шаардагдахаар байгаа аж. Ингэснээр өрөмдлөгийн ажлын үр дүнг ирэх оны нэгдүгээр сард бэлэн болгохоор ажиллаж байгаагаа тодотгов. 

“Woomera Mining” компани “Хүрэл үнэг” төслийн 80 хувийг дөрвөн сая ам.доллароор эзэмшиж эхлээд байгаа юм. Мөн цаашид төслийг 100 хувь буюу бүрэн эзэмших сонголт тус компанид хэвээр байгаа аж.