Монголбанк эдийн засгийн өсөлтийн төсөөллөө 3.8 хувь болгож бууруулснаа мэдээллээ. Цаашид ч бууруулах эрсдэл байгааг онцолж байна. Хөдөө аж ахуйн салбар буюу зудын эрсдэл төсөөллөө бууруулахад нөлөөлжээ.
Монголбанкны Мөнгөний бодлого, төсөөллийн хэлтсийн захирал Н.Ургамалсувд
Дэлхийн банк Монгол Улсын эдийн засгийн энэ оны өсөлтийн төсөөллөө бууруулж, 4.8 хувь болгоод байна. Харин Азийн Хөгжлийн банк удахгүй танилцуулах хүлээлттэй байгаа юм. Сүүлд Азийн Хөгжлийн банк Монгол Улсын эдийн засгийн энэ оны төлөвийг 5.9 хувь байна гэж тооцоолж байв.
Монгол Улс ч гэлтгүй Зүүн Ази, Номхон далайн орнуудын эдийн засгийн өсөлт удаашрах шинж ажиглагдаж байгаа аж. Удаан хугацаанд өндөр хадгалагдаж буй бодлогын хүү, улам хурцдаж буй геополитикийн зөрчил ийнхүү төлөвт сөргөөр нөлөөлж байгааг Дэлхийн банк шинэ тайландаа онцолжээ.