“Mongolian Mining Corporation” компанийн Төлөөлөн Удирдах Зөвлөл хуралдаж, 10 хувийн хувьцаагаа буцаан худалдан авах шийдвэрт хүрсний дараа тус компанийн хувьцааны ханш Хонконгийн Хөрөнгийн биржид 13 хувиар өслөө.

Мягмар гарагт тус компанийн 2.79 сая хувьцаа арилжаалагдсан нь 20 өдрийн дунджаасаа зургаа дахин өндөр үзүүлэлт болж байна. Хэдий тийм боловч сүүлийн 52 долоо хоногт буюу нэг жилийн хугацаанд “Mongolian Mining Corporation”-ийн хувьцааны ханш 36 гаруй хувиар буураад байгаа юм. 

“Bloomberg”-ийн ажигладаг “Mongolian Mining Corporation”-тай адил зэрэглэлтэй, төстэй үйл ажиллагаа явуулдаг компаниудын хувьцааны ханш энэ хугацаанд дунджаар 29 орчим хувиар буурчээ.