(Bloomberg) -- Хиймэл оюуны шилдэг мэргэжилтнүүдийн баг бүрдүүлэхээр зорьж буй “Meta Platforms”   компани “OpenAI” компанийн ажилтнуудыг татахын тулд жилийн цалин дээр нь нэмээд 100 сая ам.доллар хүртэлх дүнтэй шинэ ажилтны урамшуулал санал болгосон тухай “OpenAI”-ийн Гүйцэтгэх захирал Сэм Олтмэн ярьжээ.

"Үнэхээр солиотой хэрэг. “OpenAI”-ийн олон ажилтныг элсүүлэхээр “Meta Platforms”-аас холбогдсон байсан. Гэхдээ одоогоор манай шилдэг хүмүүсээс хэн нь ч тэдний саналыг хүлээж аваагүй" хэмээн Сэм Олтмэн "Uncapped" подкастад оролцохдоо өгүүлсэн байна.

“Meta Platforms”-ийн Гүйцэтгэх захирал Марк Закерберг хиймэл оюуны дараагийн түвшин гэгддэг AGI буюу Ерөнхий хиймэл оюуныг бүтээхээр ажиллах "супер баг" бүрдүүлж, салбарын шилдэг судлаачдад их хэмжээний цалин урамшуулал амлаж буй.

Өнгөрсөн долоо хоногт тус компани “Scale AI” стартапт 14.3 тэрбум ам.долларын хөрөнгө оруулалт хийхээ зарласны сацуу “Scale”-ийн Гүйцэтгэх захирал Александр Вангийг дээрх багтаа элсүүлсэн юм.

Brunella Tipismana Urbano