(Bloomberg) -- 2025 онд Японы хөрөнгийн зах зээлд IPO-өөр татан төвлөрүүлсэн нийт хөрөнгө 1.2 их наяд иен буюу 7.7 тэрбум ам.доллар хүрсэн нь сүүлийн долоон жилийн дээд түвшинд тооцогдож байна. Тухайлбал: “JX Advanced Metals” болон “SBI Shinsei” зэрэг Японы томоохон компани IPO хийж,  олон тэрбум ам.долларын хувьцаагаа анхдагч зах зээлд санал болгосныг онцолж болохоор байгаа юм.

Мөн Японы алдарт зохион бүтээгч Нигогийн “Human Made” брэнд, “Orion Breweries” зэрэг компанийн хувьцааны анхдагч зах зээлийн арилжааны захиалга нийлүүлэлтээсээ 60 дахин давсан тохиолдол ч гарчээ.

Энэ он гарсаар Японы хөрөнгийн захын жишиг  “Topix” индекс дээд түвшнээ шинэчлээд байгаа бөгөөд хувьцааны зах зээлийг чиглэх хөрөнгө оруулагчдын эрэлт тасрахгүй байна.

Япон төдийгүй БНЭУ, Хонконг мэтчилэн Ази даяар IPO эрчимжих давлагаа өрнөж, шинэ дээд үзүүлэлтэд  хүрсээр байна.