АНУ болон Иран гал зогсоох хэлэлцээрийг 60 хоногийн хугацаатай сунгахаар тохиролцсоны дараа газрын тосны үнэ үл ялиг буурлаа.

Брент төрлийн газрын тосны ханш энэ сард нийт 18 хувиар суларснаар 2020 оноос хойших хамгийн уналттай сарыг үдэх төлөвтэй байна. Сүүлийн байдлаар брент төрлийн газрын тосны үнэ 0.4 хувиар буурч, баррель нь 93 ам.доллар боллоо. 

Харин WTI төрлийн газрын тосны ханш  0.6 хувиар буурч, баррель нь 88 ам.доллар орчимд хадгалагдаж байна.

"Хөлөг онгоцнуудын аяллын хугацааны хоцрогдол болон боловсруулах үйлдвэрүүд эргээд хэвийн горимоор ажиллахад хугацаа шаардагдах тул нийлүүлэлтийн урсгал дунд хугацаанд хязгаарлагдмал хэвээр байна" гэдгийг “TD Securities”-ийн таваарын зах зээлийн стратегич онцоллоо.

Түүнчлэн энэхүү “эргэн сэргэх” хугацаанд дахин нэг тэрбум баррелийн нийлүүлэлтийг алдаж болзошгүйг анхааруулжээ.