(Bloomberg) --  OPEC-ийн Өргөтгөсөн бүлэг газрын тосны олборлолтын квотоо бага хэмжээнд нэмэгдүүлэхээр шийдвэрлэлээ. Ингэснээр 2023 оноос хойш саатсан нийлүүлэлтийн өсөлтийг онолын хувьд бүрэн сэргээж байна.

Саудын Араб, ОХУ зэрэг долоон гишүүн улс ирэх сард олборлолтын зорилтот түвшнийг дахин хоногийн 188 мянган баррелиар нэмэгдүүлэхээр санал нэгджээ. Ойрх Дорнодын мөргөлдөөний улмаас нийлүүлэлт боомилогдсон ч тус бүлэг нь Ираны дайн эхэлснээс хойш сар бүр квотоо шат дараатай өсгөж байгаа юм.

Одоогоор энэхүү нэмэгдэл нь бэлгэдлийн чанартай ч Персийн булангийн газрын тосны экспорт хэвийн горимдоо орох үед Саудын Араб улсад олборлолтоо бодитой өсгөх орон зай өгөх юм.

АНУ болон Ираны яриа хэлэлцээ даваа гарагт үргэлжлэхийг Дональд Трамп мэдээлсний дараа газрын тосны үнэ унаад буй.

Сүүлийн байдлаар брент төрлийн газрын тосны үнэ 4.7 хувиар буурч, баррель нь 83 ам.доллароор арилжаалагдаж байна. Харин WTI төрлийн газрын тосны ханш 4.8 хувиар суларч, баррель нь 80 ам.доллароос дээгүүр түвшинд тогтворжив.