(Bloomberg) -- “Nvidia” компанийн зах зээлийн үнэлгээ пүрэв гарагт 442 тэрбум ам.доллароор тэлсэн нь 2025 оны дөрөвдүгээр сараас хойших хамгийн өндөр нэг өдрийн өсөлт боллоо.

“Nvidia”-ийн хувьцааны ханш 8.7 хувиар өссөнөөр зах зээлийн үнэлгээ нь 5.5 их наяд ам.доллар хүрч, дэлхийн хамгийн өндөр үнэлгээтэй компанийн байр сууриа бататгав.

Үүнээс өмнө тус компани ирэх санхүүгийн жилд орлогоо 70 орчим хувиар нэмэгдэх төсөөллийг танилцуулсан юм. Энэ нь хиймэл оюуны зарцуулалт эрчээ алдаагүй, цаашид ч үргэлжилнэ гэж хөрөнгө оруулагчдад итгүүлсэн нь хүчтэй өсөлтөд нөлөөллөө.

Харин өнгөрсөн онд хөрөнгө оруулагчид “Alphabet”-ийг хиймэл оюуны өсөлтөөс хамгийн их ашиг хүртэх компани гэж үзэж байсан юм. Ингэснээр хувьцааны ханш нь 12 сарын хугацаанд 150 гаруй хувиар өссөнөөр энэ оны тавдугаар сард бүх цаг үеийн дээд түвшинд хүрчээ.

Хэдий тийм боловч “Alphabet”-ийн чадварлаг ажилтнууд компанийг орхисноор хиймэл оюуны салбарт давуу байр сууриа алдлаа гэж хөрөнгө оруулагчид болгоомжилж эхэлсэн байна. Тавдугаар сард түүхэн дээд түвшинд хүрснээсээ хойш хувьцааны ханш нь бараг 15 хувиар унаж, “Alphabet”-ийн зах зээлийн үнэлгээ 700 тэрбум гаруй ам.доллароор агшаад байгаа юм.